"Ragmi ik", vendosen parulla në Preshevë. Më në fund u zgjua shpirti kryengritës preshevar (foto).
Në adresë të Portalit Informativ-Titulli kanë arritur disa foto fotografi me përmbajtje që lidhen me vizitën e fundit të Aleksandër Vuçiq në Preshevë.
Fotografitë janë shkrepur në disa lokacione në Preshevë të cilat paraqesin pakënaqësinë ndaj veprimit të kryetarit të komunës së Preshevës, Ragmi Mustafa i cili ndau mirënjohje për kryeministrinë Vuçiq me shenjën “Kryeministri i parë që vizitoi Preshevën”.
Postera të vendosur nëpër shtylla elektrike të betonit dhe grafite nëpër rrugë të qytetit janë me parullat “Mirënjohje Vuçiqit, Dorëheqje popullit” dhe “Ragmi ik”.
---------------------------------------------------------------------------------------------------------------------------------------------------------------------------------------
Deputeti Popullor Shaip Kamberi, përmes një postimi në facebook parullat e vendosura nëpër Preshevë i ka vlerësuar se më në fund u zgjua shpirti kryengritës preshevar.
Ky është Postimi i plotë i Shaip Kamberit në profilin e tij në facebook:
"Presheva sot u zgjua me parulla - Ragmi ik".
Më në fund u zgjua shpirti kryengritës preshevar.
Nuk mund të pajtohet me servilizmat dhe poshtërimet e shumta që po ua servon superpatrioti preshevar.
I tha Ik politikës që Preshevën e shndërroi në një kasaba te vogël, në të cilën pseudopatriotizmi u institucionalizua nga pseudopatrioti.
